0 Cart
Added to Cart
    You have items in your cart
    You have 1 item in your cart
    Total
    Check Out Continue Shopping

    Kría BLOG

    Frí heimsending á höfuðborgarsvæðinu

     

    Vegna þeirra aðstæðna sem upp eru komnar í heiminum höfum við ákveðið að bjóða uppá fría heimsendingu á ákveðnum vörum á höfuðborgarsvæðinu. Við getum afgreitt sumt í gegnum netverslunina okkar. Hins vegar verðum við að biðja viðskiptavini sem hugsa sér að kaupa reiðhjól fyrir meira en 200.000 kr. að hafa samband við búðina í síma 5349164 og þá er hægt að leggja inná okkur fyrir borguninni eða borga í gegnum síma með Visa. Þar sem að ekki er búið að búa til bókhaldslausn sem leysir vandamálið að borga virðisaukaskatt af hluta heildarverðs.

    Við tökum varúðarráðstöfunum Almannavarna alvarlega og höfum byrjað að sótthreinsa algenga snertifleti í búðinni oft á dag, almenn þrif í versluninni hafa verið aukin og hertari hreinlætisreglur. Ennþá er hægt að prófa hjól og við bjóðum uppá aðstöðu til þess að þvo á sér hendurnar og einnota hanska fyrir þá sem vilja.

    Opnunartímar okkar eru ennþá þeir sömu enn sem komið er og þangað til annað kemur í ljós.

    Við óskum öllum góðs gengis á þessum óvissutímum. Förum eftir fyrirmælum yfirvalda og förum varlega, við komumst í gegnum þetta saman.

    Virðisaukaskattslækkun á hjólum

    Turbo Levo Comp

    Núna um áramótin tók í gildi lagabreyting á virðisaukaskatti reiðhjóla og rafmagnsreiðhjóla sem leiðir til þess að öll hjól í Kríu eru allt að því 20% ódýrari heldur en fyrir áramót.

    Öll reiðhjól undir 250,000 kr. eru nú virðisaukaskattslaus en hjól sem eru dýrari innihalda aðeins virðisaukaskatt af umframverði þessara 250,000 króna. Sömu sögu er að segja um rafmagnsreiðhjól nema þar er markið hærra eða tæpar 500,000 kr. sem eru undanskildar virðisaukaskatti. Þar með falla allt að því 96,000 kr. af rafmagnsreiðhjólum til 31. desember 2023.

    Lækkaðu kolefnisfótsporið þitt 2020 og fáðu þér umhverfisvænni fararskjóta á betra verði.

    Víkkun á skattaívilnunum til reið- og rafmagnshjóla

    götuhjól

     

    Við höfum ákveðið að taka forskot á sæluna og lækka reiðhjól um allt að 19,350 kr. líkt og fjármálaráðherra hefur boðað. Einnig viljum bjóða uppá forpantanir á rafmagnshjólum sem verða tilbúin til afgreiðslu í byrjun janúar. Endilega kíkið við hjá okkur og þrykkið í eitt gott jólahjól. 

    Fjármála- og efnahagsráðuneytið hefur boðað breytingar á skattalögum þar sem m.a. er minnst á niðurfellingu á virðisaukaskatti við innflutning á rafknúnum reiðhjólum upp að 400.000 kr., þ.e. greiða þarf virðisauka af umframupphæð þeirra ökutækja. Þannig getur rafmagnsreiðhjól lækkað um allt að 77.400 kr. ef áætlanir stjórnvalda ganga eftir. Sömuleiðis er gert ráð fyrir niðurfellingu virðisauka af fyrstu 100.000 kr. af hefðbundnum reiðhjólum og getur verð þeirra hjóla því lækkað um allt að 19,350 kr. sbr. meðfylgjandi mynd:

    kria-cycles-rafhjol-breyting

     

    Hægt er að senda inn umsagnir um frumvarpið til og með 12. nóvember n.k. og hvetjum við lesendur til þess að senda umsagnir ef þeir hafa einhverjar athugasemdir varðandi ívilnanirnar sem boðaðar eru.

    Við fögnum þessum breytingartillögum og vonum að þetta verði til þess að fleira fólk velji það frekar að kaupa sér rafmagnsreiðhjól fremur en að fá sér annan bíl á heimilið.

     

     

     

     

     ***Greinin hefur verið uppfærð***

    Myndheimild 11.11.19: https://www.stjornarradid.is/efst-a-baugi/frettir/stok-frett/2019/10/30/Hvatt-til-notkunar-vistvaenna-samgongumata-med-laegri-alogum/

    Hjólað í vetur, nokkur ráð

    Núna þegar farið er að kólna í veðri og birtuskilyrðin minnka í samræmi við möndulhalla jarðkringlunnar, er gott að hafa nokkra hluti á bakvið eyrað þegar hjólað er í vinnuna yfir vetrarmánuðina.

    1. Sýnileiki:

    Ljós og endurskynsmerki eða klæðnaður er mjög mikilvægur fyrir öryggi hjólreiðafólks núna þegar farið er að skyggja. Til þess að sjást mælum við sérstaklega með því að hafa ljós bæði að framan og aftan. 

    2. Nagladekk

    Nagladekk gefa óneitanlega meira grip og geta komið í veg fyrir hálkuslys sem myndast sérstaklega á morgnana núna og oftar en ekki er hún ósýnileg á svörtu malbikinu. Ef hitastigið er í kringum 2°C geta myndast hálkublettir niðri við jörð. Í Reykjavík eru þekktir hálkustaðir Elliðarárdalur og Fossvogurinn. 

    3. Vetrarfatnaður

    Fatnaður er lykilatriði hjólreiðum í vetrarfærð, húfa, vettlingar, ullarsokkar og síðan eitthvað vatns- og vindþétt sem ysta lag.

    4. Félagsskapur

    Hjólaðu með vinum þínum, eymdin elskar selskapinn eins og skáldið sagði. Þegar farið er út að hjóla yfir vetrartímann er gott að hafa félaga til þess að brjóta heimskautavindinn inn á milli.

    5. Umhirða

    Hugsaðu vel um hjólið þitt. Saltið sem dreift er á göturnar fer ekki vel með neitt og það er nauðsynlegt að þrífa hjólið reglulega til þess að fyrirbyggja rif eða oxun í stelli eða gírbúnaði. Feitin á keðjunni fer hraðar af í vetrarfærð og því er gott að sulla nokkrum dropum af keðjuolíu inn á milli til þess að allt renni nú smurt. 

    6. Settu hjólið þitt bara á trainer.